МАНДЭМОН ДЫГЛЭ ОТЭШИ МИJОНЭДЭ!

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 89 голосов)
Изменить размер шрифта Decrease font Enlarge font
image

 

МАНДӘМОН ДЫГЛӘ ОТӘШИ МИЈОНӘДӘ!

 

-Зә, Амјәзо, ышты кәјнәныбо, конҹош, дылым тәкәјхо!

-Чич бе ижән, ышты дыл тәкәј? Ијом, конҹо бәбем ки?

-Зә, Валла, чымы дыл охој бәтәке че кали толышон дасто! Мандәмон дыглә отәши мијонәдә! Һич зынејдәним, чич быкәм?

-Һәлә есә сәрәсәш ки, әмә дыглә отәши мијонәдә мандәмон? Аз бәты вотеәдә, жыго генд кардејдәш ыштә дијәни ки, виндәкәс бәвоте, ғасбу дымжоным доә бәты!

-Быбахш, Амјәзо! Гыно бәмыкује ки, һаканә бовә кардејдәним бәшты вотә сыханон!

-Бәмы лозим није ышты пијә узр! Бывот ыштә дыли дарди.

-Зә, чанди бывотым? Коми бывотым, ком быманды?

-Гылә-гылә һәммәј бывот, ја коми ыштән мәслоһат зынејдәшбу, әј бывот. Сыфтә әј бывот ки, коме ә дыглә отәш ыштә нәзәрәдә?

-Зә, ки бәбе? И тоно чәмә хәлғи дышменонин, чә тәрәфоән чәмә ыштә толышон! Һич зынејдәним, бә дышменон вәјнә ҹанг быкәм, јаанки чәмә ыштәкијон гәви быгәтым?

-“Чәмә ыштәкијон” бәки вотејдәш?

-Быбахше, һушым сәдә мандә ки? “Чәмә” вотеәдә ки, Хыдо ныкә жәләвон чәмә быбу! Кали толышон нәзәрәдә гәтејдәм. 

-Һа, есә бывот.

-Зә, гыләј мәғаләмон нывыште чә И. Ғәмбәри барәдә, һәлә нә әв ыштән, нәәнки чәј чандә кәс зур гәтәкәсон ыштә гәви оныкардә, гыләј гавзијәли толыш беше бә мәјдон, дәманде бо мәјдон һанде ки, мәвотбән “И. Ғәмбәр нәзнијбән воте ки, “толыш генерал әзыни бе”!

-Чәмә орандыжон вотәјнә, номир бывот!

-Зә, тыны Хыдо, којы ныбу! Чоке һежо ты дәшејдәниш бә виронә мандә Facebook, әве ашише ышты сә-гуш! Номы бочије? Бәмәсеш, тикәјән әсәб бәкаш!

-Чок, пијејдәмни бызным жәләвони номи. Воте зынејдәныбиш бә гавзијәли ки, охо әјо нывыштә быә ки, ә сыхани вотәкәс быә бәмә, ыштәкумон песохтәни. Бышу, хәбә быстәны чә хонәхоку, чәјо бешу бә мәјдон, бывоты ыштә сыханијәни! Гирәм ә хонәхо бә һәшә быжәно ыштә вотә сыхани, бәвәдә әмә бәзнемон чич бәкамон деәј!

-Зә, бәмы һич нубә рәсәј ки? Веј толышон рост бин чәј сәпе, бәнә тыршинә аши емәјн бәчәј сә, һәммәјән һежо ымшон воте бәј.

-Бәс әј чичыш ҹәвоб дој бәвон?

-Иш һестбе, дашән ғарз карде, жыго гин бе Facebookо, жыбызын, һич нијебән әјо!

-Ај машалла! Лап чок! Вәссәлом?

-Һеј!!! Зә, иглә әв быәбәј, дардым чичбе?

-Чымы дыли ширә барде, Хыдо комәгы быбу, бывотәни!

-Зә, ымруж гыләјни бешә бә мәјдон, мәһоли хәробә нојдә ки, мәвотбән “толышон реабилитасија быәнбән 1989-нә сори”, чәмәһон һич хәбәмонән быәни, јәне мандә толышон һәммәј һытәнбән фили гушәдә!

-Ыми ком толыш вотејдә?

-Зә, ижән вотејдәм, ном гәтејдәним ки, вәш бәгәтеш ты! Чич быкәмон ки, жәләвонон һестинәни! Һаканә гыләј шостәғ вадојдән ки, бә чикисә хош бон...

-Чич бе чән чәј охој?

-Жыго жәме чәј гәвисә, пәшимон бе бәштә вотәјән, мәҹбур манде, моләше ыштә нывыштә вәрсәғе!

-Номхыдо! Һа бәшты ағыли ғыбон! Һәни ым ко кардә, бочи ғыјз кардејдәш?

-Зә, одәм вәш гәтејдәәни! Зыне бејдәни, де дышмени ҹанг быкәј, ја дештә толыши? Дышмен ыштә гәви окарде зынејдәни чәмә навәдә, кали педыријәпочә толышон пијејдәшоне бә вырә быроснын чәвон виндәнин быә кој!

-Ијо сә быкош чоке! Чумчыко, жыго дијә кардејдәм, есә гырд фош бәкаш жәләвонон. Бәмә ым лозим ни. Әмә ыштән зынејдәмон, әвон кин! Хәлғән быдә баһанды, ыштән јәғын быкә боштә чәвон мәғсәди. Хыдо комәгы быбу!

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|