ГЫБОНЭ ИДОН МЫБОРЭК!

ҒЫБОНӘ ИДОН МЫБОРӘК!

            Ымруж че ҹәми дынјо мысылмонон һәммәј јолә иде – Ғыбонә ид! Исмаили ғыбон! Бы дәвардә сори дырози әмә һәммәјәво чанә ибодәтонымон кардәбе, дывонымон һандәбе, си руж ружәмон гәтәбе бо Хыдо, ымруж чәвон һәммәј имтоһони доәнинимон ки, чәмә Офәјевон јәғын быкә ки, камиле чәмә имон! Әве бы иди вотејдән имони јолә дәвинә! Бахтәвәре ә мысылмон ки, сәбарз бебәше чы дәвинәо, исбот бәка ки, һәғиғәтән камиле чәј имон!

            Әмә чәшрушни дојдәмон бә ҹәми мысылмонон, дылисыхт тәбрик кардејдәмон әвони һәммәј де ын јолә Иди мыносибәти, Хыдо тоно сәбарзи ијән камилә имон орзу кардејдәмон бәвон һәммәј!

            Чәмә хосә хәлғ, азизә толышон, шымәнијән тәбрик кардејдәмон! Сәбарз быбән Хыдо тоно, камил быбу шымә имон! Әнҹәх јодо бемәкән ки, чәмәһон һар гыләјни имони гыләј поә чәмә дыләдә бәчәмә хосә Вәтәни – Толышыстони быә меһиббәте! Чики дыләдә ныбу ын меһиббәт, кон толыш ки нибәкәше чәмә Вәтәни ијән хәлғи ғырјәти, камил әзыни бе чәј имон! Әве, де сәбарзәти бә иҹо, бә Толышыстони јолә меһиббәт орзу кардејдәмон бәшмә! Чанә вејон быпијо ыштә Вәтән ијән хәлғ, анән веј камил бәбе шымә имон, анән зуманд бәбе бәшмә Хыдо меһиббәт! Мәкән ә әмәлон ки, әвон хәләл варде бәзнен һәм бәшмә имони, һәмән бәшмә Вәтәни меһиббәти: ноһәхә шәр мәғандән бәштә һәмвәтәнон, мәкән чәвон ғыјбәти, бовә быкән бәштә чәши виндәј, бәштә гуши мәсәј бовә мәкән! Ғырбон бырнеәдә дыво быкән бә Хыдо ки, быдә Әв быбахшы чәмә һәмәһон гынон! Хыдо комәгон быбу!

            Ғыбонә идон мыборәк!