Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
Пашајев Әкбәр Әғәмирзә зоә (Әкбәр Пашә) моәку быә 1969-нә сори
сентјабрә манги 1-дә рәјон Масәлони ди Мијонкујәдә. Чандә соронин
де шаирәти, сәрхәјәти хыдмет кардејдә бәштә хәлғи чәј хәј-шәронәдә.
Һырдәнә вахтику шерон нывыштејдә бә тырки, һәмән бә толыши.
Ыштә шерон һандејдә вәјонәдә, дәрҹ кардејдә доври мәтбуотәдә,
алманахон ијән мәҹмуонәдә. Ымруж чәмә чы ҹывонә шаири мовардә руже.
Әмә һәммәјәво чәшрушни дојдәмон бәј, “Хыдо мыборәк быкә ышты мовардә ружи!”,
вотејдәмон, хәшәҹони, дырозә умр, фојдәјнә офәјевонәти орзу кардејдәмон!
Аллаһверди Бајрами
ЗӘМОНӘ ВЕ ДӘГИШ БӘ
Дарды-хывәт омедә,
Чәшоно арс емедә.
Вар бәкәсән бәмедә,
Пул бәкәсән дәвуш бә,
Зәмонә ве дәгиш бә!
Һарки мандә јанәдә,
Ҹындо бедә һанәдә.
Оләт конҹој танәдә?
Милләт фынды-фуруш бә,
Зәмонә ве дәгиш бә!
Ки нәвеәдә, бекоје,
Бызын, әвән чәј које.
Сәнәтко сәнәткоје,
Рәмиш һежо Рәмиш бә,
Зәмонә ве дәгиш бә!
Зындәним чы отәше,
Отәши бәрк гәтәше.
Фатмәнисә Фатише,
Чимназ ханым Чибиш бә,
Зәмонә ве дәгиш бә!
Фәләк канә чыхоје,
Һытедәни, оғоје.
Бәлкә дынјо охоје?
Ғасбу һежо фыныш бә?
Зәмонә ве дәгиш бә!
Бә дыјо шә ру диәкә,
Выли әтрә бу диәкә.
Сијосәти зу диәкә,
Пәләнг тарсә һәвуш бә,
Зәмонә ве дәгиш бә!
Чы веје озо, бәло,
Бә тер быгәтым боло!
Әкбәр, ышты виндә ло
Чә до пәрә, “киш-киш” бә,
Зәмонә ве дәгиш бә!
Зәмонә ве дәгиш бә!
Добавить коментарий
Комментарии (1 добавлено)
-
Опубликовано Şəfahət, 02 Сентябрь, 2012 10:30:10Ve rəvonə ğəşənqə şeyre.Xalqi məclison bardə xalqi vədə tribunə bıə jıqo xonəxon de jıqo zumandə şeyron bə xalqi yolə təsir bedə.Azən əy təbrik kardedəm sa soron bıjioj votedəm!