Воскресное чтиво на Толышпрессе : Дынjо фэлсэфи инджиjон

АЈ  ХОСӘ БЫЈОН, ХОСӘ ҺОВОН! СЫХАНЫМ БӘШМӘНЕ! БӘШТӘ ЗЫВОНИ МАЛИК БЫБӘН, БЫЗНӘН ЫШТӘ ВОТӘ ГӘПИ , ҒЫЈБӘТ МӘКӘН, ҸО КӘСИ ДУМОТОНО ЧӘЈ БЕВӘҸИ МӘВОТӘН, ШӘР МӘҒАНДӘН БӘ ОДӘМОН, ҸУРБӘҸУРӘ НОМОН, АЈБЛӘКОН, НОМЛӘКОН МӘНӘН БӘШТӘ ХӘЛҒИ АВЛОДОН КИ, ШЫМӘ ЗЫВОН БӘЛО НЫБУ БОШМӘ СӘЈ, ДИМБӘДИМ ОМЕӘДӘ ДЕ ҺӘМОН ОДӘМОН, СИЈОДИМ МӘБӘН! МЫДРИК БЫБӘН, ИНТАСИ БЫДӘ ШЫМӘ МЫДРИКӘТИ ШӘЈТОНИКУ НЕ, ХЫДОКУ БЫБУ!ӘНҸӘХ БӘВӘДӘ РУШТ БӘВИНДЕ ЧӘМӘ ХӘЛҒ!

Јағуб пејғәмбәри (ә) зывони ијән мыдрикәти барәдә вотәјон

Јағуб пејғәмбәри (ә) зывони барәдә вотәјон

                Ај чымы быјон, бәшмә мәлуме ки, әмә – миәллимон дәвардәнинимон һәнијән гыләј јолә мыһокимәо! Әве, һәрәкәт быкән, быдә шымәһон вејни миәллим ныбун. Чумчыко әмә һәммәј веј дәлвырдијејдәмон. Дештә сыханон дәнылвырдијә гыләј хонәхо, ҹәми андомыш бә ныхтә жә быә камил гыләј инсоне. Бәмә итоәт быкән вотәјнә, ләғом дәнојдәмон бәштә аспон гәви, жыгонә гордынејдәмон чәвон ҹәмдәки. Бунән, гәмијонән чанән јол быбун, ваваз әвони чуне быпијоше быбоән, ромәвони дыли чуне пијејдәшбу, де гыләј гәдә сукони комәги гардејдә бәврә. Зывонән жәгоје, андоми гыләј гәдә органе, әмма ыштәни веј пекырнејдә.

                Дијәкән, гыләј гәдә зик сутејдә гыләј јолә вишә! Зывонән отәше. Зывон чәмә андоми органон дыләдә ноһәхәти дынјоје. Әв ләкә жәјдә бәчәмә ҹәми андоми, жыбызын де ҹәһәнными отәши комәги вәш нојдә чәмә жимони һәмә шемони. Чумчыко пидә че һәјвонон, пидә че пәрәндон, пидә лузәфырс кардә һәјвонон, пидән че дыјо мәхлоғон һар гылә ҹинс де бәшәри нәсли дасти һәмул кардә бејдә ијән һәмул кардә быә. Әмма зывони һич кәс һәмул карде зынејдәни. Зывон гыләј бәлоје ки, һички гәте зынејдәни чәј нави. Зывон пуре де кыштә зәһә. Дештә зывони әмә дыво кардејдәмон бо Хыдо. Дештә зывонијән ләнәт вотејдәмон бә Хыдо симоәдә офәјә быә одәмон. Һәм әһсән, һәмән ләнәт ејни гәво бешејдән. Чымы быјон, ым жыго быәнин ни. Ејни һони чәшмәо бебәше јәне сујә ијән шинә ов? Чымы быјон, инҹијә до зејтун, ангыә рәз есә бој инҹи перосније бәзне? Жәгоән сујә һонијо шинә ов оме әзыни.

Һәғиғијә мыдрикәти

                Шымәһон дыләдә һестин мыдрикә ијән дәррокәјнә одәмон? Быдә әв дештә чокә жимони тәрзи, де ыштә мыдрикәтику офәјә һәлимәти нишо быдәыштә чокә әмәлон. Интаси шымә дылонәдә һестебу телә рывынәти, худбинә еһтирос, пемәкырнән ыштәни ијән бә һәшә мәжәнән һәғиғәти. Жыго мыдрикәти пејо омә мыдрикәти ни, әнҹәх чы дынјо, ғејри-руһанијә ијән шәјтонә мыдрикәтије. Чумчыко конҹо рывынәти ијән худбинә еһтирос һестебу, һар ҹурә һәркиһәрки ијән јавә әмәл һесте әјо. Әмма пејо омә мыдрикәти, әввәло, софе, чәјоәнсулһпәрвәре, мылојиме, итоәткоре ијән пуре де хәјмандә бәһрон, беғәрәзе, беријаје. Сулһи офәјәкәсон каштә сулһи тумонку перәсејдә салеһәти бәһрә.