ШЫМЭ СА ШЭШ НЭФЭР БИОН...

Разделы

Архив

Пн Вт Ср Чт Пт Сб Вс
1234567
891011121314
15161718192021
22232425262728
2930

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 33 голосов)
Изменить размер шрифта Decrease font Enlarge font
image

 

 

 

ШЫМӘ СА ШӘШ НӘФӘР БИОН
Чәмә диј мердонәдә
106 кәс огардәни ҹәбһәо …


Шымә чанса нәфәр бион:
Мәси бион, Сәфәр бион.
Әли бион, Ғафәр бион,
Һусејн бион, Ҹәфәр бион…
Ијәндыку вакардоне,
И мангәдә әсғәр бион.

Ијо манде жены-кинә,
Асбардә бе кәфшән бәвон.
Чо сор јоддәј бәнә зинә,
Оләтышон канә, пинә.
Хурәкышон дони чинә,
Һич нысырәј әғлон гәвон.

Шымә әјо хун екарде,
Һа гыләјон ном бекарде.
Бә фашисти жәоне отәш,
Манде жипо мырдолә ләш.
Де сори, де манги шијон,
Де лынги, де танки шијон.

Ијо женон бә ро бешин,
Де котәни бә ко бешин.
Бә тукән шин, бә вишән шин,
Ә бәболон де ҹурәј жин.
Әвон бәштә ҹәфо карде,
Бә ешғишон бәфо карде.

Тосә Берлини шымә шијон,
Отәшәдә сутијон, бијон.
Һәхон карде де дышмени,
Зу омәјон бә дышмени.
Чы шәјтони дасте фашист,
Дешмә дасти тәсәј фашист.
Әнҹәх веј бин чәмә дардон:
Мардин мердон, мардин мәрдон.
Ғыбон шеәдә са шәш бион,
Бә ијәнды охшәш бион.

Чанә одәм шыл огарде,
Мамжи тожә выл огарде.
Бе лынг, бе чәш омәкәс бе,
Бе даст, бе кәш омәкәс бе.
Бәме-бәме сырәкәс бе,
Сыре-сыре бәмәкәс бе…

Шо бимон ки, дардымон ше,
Шо бимон ки, омәкәс бе.
Һәјиф! Чанә номәкәс бе,
Омәкәс кам, номәкәс веј.
Конҹо манде Мәси, Сәфәр?
Конҹо һыте Һусејн, Ҹәфәр?

Инсон даве һардә доне!
Ә Авропә ғәбыстоне!
Һыте әјо са шәш толыш!
Бо дышмени отәш толыш!
Са шәш нәфәр чәмә дивож,
Шән чы дынјо чәшоныш ож.
Бымәсәнән, һа са шәшон,
Бә мәхлоғи дылон дәшон.
Шымә әғлон нәнән, дәдән,
Дәвон умри жидә Вәтән.
Шымә чәвон чәшонәдон,
Бәшты боло бәшонәдон!
Мәктәбәдә һырдә нәвон,
Охшәш дојдән бәшмә әвон.
Шымә нәвон чан са нәфәр:
Быән Мәси, быән Сәфәр.
Быән Әли, быән Ғафәр,
Быән Һусејн, быән Ҹәфәр…

Бә иҹо бә даве шеәдә,
Сутул ҹывон бион шымә.
Есәт гыләј нәсли вәдә
Дәдон шымә, пыон шымә,
Бәмә ғәссәм быон шымә!

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|