Ым чэмэ хэлге, эмэ jодо бекардеjдэнимон !

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 12 голосов)
Изменить размер шрифта Decrease font Enlarge font
image

 

Ым чәмә хәлғе, әмә јодо бекардејдәнимон !


     ...Әмә жыгомон! Әмә һәммәј жыгомон! Һар гылә толыш жыгоје! Чандә һәзо соронин Хыдо хәлғ кардәше әмә бы зәминәдә, жыго быәмон, жыгомон, жыгоән бәбемон: Һежо Хыдопәрәстимон, әве че Хыдо һәхи роәдә һәммәјсә бәнав шодојдәмон ыштәни бә ҹанг! Кон довләти тәркибәдә быжијомонән, мығәддәс зынејдәмон чәј зәмини, ыштә синә һәммәјсә бәнав дојдәмон бә гуллә вә әј мыдофиә кардејро! Чандә һәзо соронин ки, толыш бә ҹанг быә Ирони роәдә! Ирони һар гылә подшо чок зынәше ки, Толыш декибу, мәмләкәтән деәје. Русијә тәркибәдә бимон, жәгоән бимон. 70 сор ССРИ тәркибәдә бимон, ныгардимон ыштә әғидәку, жәгоән жијәјмон. Фашизми авон гырдә беәдә мәмләкәти сәјку, бә нав домоне ыштә синә, бә ҹанг бешимон! Һәзо-һәзо шири-нәрә зоонымон шин бә ҹанг, ыштә ҹоншон ној Сәвети роәдә. Чандә одәмон парсејдән чымыку: бочи жыгон толышон? Ҹәвобым ије һежо: Чумчыко толыш чок зынејдә зәмини ғәдри! Толыш кон довләтәдә быжијоән, чәј зәмини мығәддәс зынејдә, әве бә ҹанг рост бејдә зәмини, јәни Вәтәни роәдә! Бәгәм Хәрәбоғи ҹангәдә жыго ныбе? Бәгәм толышон һәммәјсә бәнав рост ныбин бә ҹанг? Толыш зынејдә зәмин чиче, Вәтән чиче! Вај бә хәлғи һоли ки, нызны ымони! Бәгәм Хәрәбоғәдә жыго ныбе? Дыглә гуллә сәдо мәсенҹән, һәммәј ношоне һарчи, витин. Чумчыко әвон кучәрин. Чумчыко әвон зынејдәнин чиче зәмин, чиче Вәтән! Чәвон руж конҹо чок дәвардејдәбу, әврән чәвон Вәтәне!
     Ымруж Јолә Вәтәни ҹангәдә чәмә һәммәј – ҹәми ССРИ хәлғон тарыхијә ғәләбә сорогарде. Әмә фәхр кардејдәмон ки, чә ҹанги ғәһрәмонон дыләдә толышонән шәрәфинә ном һесте: Номыш һесте Һәзи Әсланови (Гамәтук, Ланкон), Мирзә Ҹәбијеви (Һәмошам, Осторо), Зија Бунјатови (Осторо), Әли Һусејнови (Дастер, Лик), Әғәдадаш Сәмәдови (Вылвон, Ланкон), Әғәһәсән Нәһмәтови (Сәрәк, Осторо), В. Касумови (Осторо), Б. Аббасови (Сутәмырдов, Ланкон), һесте һәнијән чандә гылә мердон ном! Вај бә хәлғи һоли ки, бә јод вардејро һичиш ныбу! Әве, һар гылә толыш бәпе чок-чоки јодәдә огәты чәмә чә ҹанги ғәһрәмонон номон, әвони нымунә нишо быдә бәштә әғлон! Һар гылә толыш бы азизә ружәдә рәһмәт һандәнине бә шәһидә толышә балон, хәшәҹони орзу кардәнине бо сәғ мандәкәсон! Чумчыко хәлғ жыго хәлғ бејдә! Чанә јодыш һестебу, анән һесте ә хәлғ! Чанә рә-рә әмә бә јод бијомон ыштә ғәһрәмонон анән зуманд бәбемон! Зуманд быбән, хосә толышон! Јодо бемәкән чәмә ғәһрәмонон! Ғәләбә ружон мыборәк быбу!
     Бы азизә ружәдә әмә әрмәғон вығандејдәмон бә ҹәми толышон шаир Х. Толыши жинә шери. Бы шерәдә нывыштә быәјон аидин бә һар гылә толышә диј ҹәмати, бә ҹанг шә толышон һәммәј!

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (2 добавлено)

  • Опубликовано Likmekani, 09 Май, 2012 21:57:46
    Az Tolisim! Im sixani mesuliyyet ve yole. Bepe jiqo im muqeddese roy biqətiki Atropati, Babeki, Hezi ve.s rufi delonirzinamon. Çevon ruf bevede şo bebeki Eme tolişon beşte tolişieti befomand, qiryetmand bebemon. I bibemon-Rost bibemon
  • Опубликовано Cahangir, 09 Май, 2012 13:03:29
    Mı fəxr kardedəm ki, mı TOLIŞİM. In xəlqi numayəndon VƏTƏNIŞON MUDAFİƏŞON KARDE ĞALİB OMƏYN. XIDO ƏVONİ RƏHMƏT BIKƏ. ƏLİ HÜSEYNOV ÇIMI DAY BE. MƏ ÇƏYKU VE YOLƏ NÜMÜMƏM PEĞƏTƏME. XIDO ƏY RƏHMƏT BIKƏ VE ĞIRYƏT KƏŞƏ İNSON BİN ƏVON!!!

Главные новости

|