ХЫДО ЛЭНЭТ БЫКЭ БЭ БАИСИ!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 12 голосов)
Изменить размер шрифта Decrease font Enlarge font
image

ХЫДО ЛӘНӘТ БЫКӘ БӘ  БАИСИ!

     Ымруж 70 синыш дамејдә мәрһумә Нәвузәли Мәммәдови! Һәнијән дырыст бывотомон, фанијә дынјо бебәфоәти, еғволи бәдәти, инсонон лупештәти ијән хәјонәт быәнәбәј, есә дејәмә бә иврә ыштә 70 сорнә јубилеј ғејд әкәј Нәвузәли миәллим!
     Һар кәс ыштә умри жијејдә бы фанијә дынјоәдә – мердән, мәрдән, номердән! Һар кәс дештә әмәли ғәзәнҹ кардејдә боштә ыштә ә дынјо. Гыләј Авропә алими веј хошыш омејдә инсононку парсе: Хыдо һузурәдә беәдә чич әпијоне бывотын Бәј? Чымы зынәјку, ә алими хәбәш ни ки, Хыдо һузурәдә (дәргоәдә) беәдә инсонон парсе һуғуғышон бејдәни, чумчыко чәвон гәви бастејдән. Хыдо һузурәдә инсонон имтоһон кардејдән дечәвон сывол-ҹәвоби не, дечәвон фанијә дынјоәдә кардә әмәлон. Ә әмәлон ки, мәләкон шәв-руж бә ғәләм сәјдән, нывыштејдән һар кәси “Әмәли дәфтәри”. Хыдо һузурәдә нојдән одәми вәдә һәмонә дәфтәри, демијән бино ејдә “ғәби әзоб”!
     Жыго вотејдән ки, ҹонинә мәхлоғи һар гыләјни андоми ән шинә вырә чәј зывоне. Ҹо ҹонинә мәхлоғонку одәми фәрғ бымәдәј ки, чәј зывон гәп жәјдә, сыхан кардејдә. Одәмон чанә мыхтәлифонбу, чәвон зывононән анә мыхтәлифин! Јәне, һар кәс ыштә ирси, тәрбијә, имони, тәғва, ихласи сәвијјәдә чадојдә ыштә зывони. Әве мыдрикон вотејдән ки, зывон доә быә бә одәми бәчәј горәнә не ки, һар гәвомәј, һар гыши мәсәј, һар чәши виндәј бывоты! Зывон доә быә ки, лозим быә чијон бывоты. Ым лозим быә чијонән “лозим бејәти” јаанки “лозим ныбејәти” мыәјјән кардә бејдә де Хыдо Китоби, Дечәј шәриәти, Дечәј дини! Ки ымони зынејдәбо, малик бејдә бәштә гәви, һар гәвомәј вотејдәни, ғыјбәт кардејдәни, бә ҹо кәси шәр ғандејдәни, бә ҹо кәси номләкә нојдәни, ајбләкә нојдәни. Әве вотејдән ки, зывон одәми бә вәјштән барде зынејдә, бә ҹәһәннымән.
     Инаси гыләјән мәсәлә һесте ки, әмә – бы фанијә дынјоәдә жимон кардәкәсон зынејдәнимон ки, ком одәм бә коврә шејдә. Әмә жыго чијон әнҹәх фәрз, гымон карде бәзнемон. Һәхи әзын иглә Хыдоје! Чәмә зынәј ыме ки, бә һар мардәкәси “Рәһмәт!” вотејдәмон, “Хыдо әј рәһмәт быкә!”, “Хыдо быбахшы чәј гынон!” вотејдәмон. Әмә чыконҹо зыне бәзнемон ки, бәки ә рәһмәт егынејдә, бәки егынејдәни? Әве вотејдәмон ки, “Тәвәккул бә Хыдо!”, “Бә Хыдо мәслоһати ғыбон!”
     Мәрһум Нәвузәли миәллим ыштә һәхи дынјоәдә есә мәвужи чок-чоки зынејдә ыштә бәдбәхтәти, ыштә шинә-шәкә дыглә балә мысибәти, ыштә чо диво мијонәдә сәргәрдон мандә жимони һәмро дарди сәбәбкорон номи. Чәмә дасто, есә бој, ым омејдә ки, ләнәт бывотәмон бә баиси, “Хыдо ләнәт быкә бә Нәвузәли миәллими һәватә одәми!” бывотәмон.
     ...Толыш чандә һәзо соронин ки, дарды-бәло дыләдә жијејдә. Чыми сәбәбон вејин, һәлбәттә! Чы сәбәбон барәдә веј нывыштә быә, вејә тәһлилон бардә быән. Әмма гыләј сәбәб веј вахти тәһлилику бә кәно мандә: кали толышон хәјонәт! Веј выронәдә толышон ыштә арәдә гәп жәјдән бы барәдә. Чыми-чәј думо веј ноҹинсон, беимонон, затғәлизон веј гәпон жәјдән, бә веј одәми шәр ғандејдән. Чокнә бәвотен, дәҹҹолон асписән! Гардејдән бә дынјо һар вырә, “суфи Сәјдәли” либосәдә ыштәни бә ғәләм дојдән. Дынјо чанә гардејдәбо, әвонән деәј бә иврә гардејдән, кәжәлә пор дәжәнејдән бә толышон сәј! Хыдо ләнәт быкә бә бевәҹә одәми!  
     ...Ымруж Нәвузәли миәллими 70 син дамејдә. Жијәбәј, дештә хыјзони бә иврә ғејд әкәј ыштә сорогарди. Чәшрушнијон әстәни, бә тәбрикон ҹәвоб әдәј. Жијәбәј, һәлә чандә коон карде, китобон, мәғалон нывыште әзни бо Толыши, бо толышон! Һәјф! Де һәјфи! Толыши гушәо ше, гин кардәкәс толышон бин! Әв есә ыштә һәхи дынјоәдәј, Толыше мандә зылләтәдә, ситәмәдә!
     Хыдо тыни рәһмәт быкә, Нәвузәли миәллим! Быбахш әмәни, быбахш толышон ки, нызнәмоне ышты ғәд, ғыјмәтмон дој нызнәј бәты! Хыдо ләнәт быкә бәшты баискори! Шәкым ни ки, бы азизә ружәдә веј толышон бә јод бәван тыни, рәһмәт бәвотен бәты! Чымы пијәј әве ки, һар тыни бә јод вардә толыш ымруж һич ныбо иглә ләнәт бывоты бәшты баиси, ҹәми толышон һәммәј бә и гәв бывотын: Хыдо ләнәт быкә бә Нәвузәли миәллими һәватәкәси! Хыдо ләнәт быкә бә хәини! Зәмин вәш быгәты чәј ыштәни, чәј ов-авлоди, чәј балон, чәј нәсли нынги жијәдә! Ҹәһәнным быбу чәј нәсли вырә! Амин!


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|