И БЫБЭМОН ХЫДО РОЭДЭ, ИСЛАМИ РОЭДЭ, ШИЭТИ РОЭДЭ, ИРОНИ РОЭДЭ!

И БЫБӘМОН

ХЫДО РОӘДӘ, ИСЛАМИ РОӘДӘ, ШИӘТИ РОӘДӘ, ИРОНИ РОӘДӘ!

Мәһәррәмә мангон, Нујә сорон мыборәк!

Бисмиллаһиррәһманиррәһим!

            Хосә толышон! Ымруж мыборәкә Мәһәррәмә манги иминә руже, јәни де Ислами тәғвими Нујә сор дамәј. Шымәни һәммәј тәбрик кардејдәмон! Хыдо бы тожә сорәдә комәг быбу бәшмә һәммәј!

            Боәмә – бо шијон Мәһәррәмә манги һестыше ыштә мәно ијән ғыјмәт. Мәһәррәмә манг вотеәдә бәчәмә чәши вә омејдә Кәрбәло дашт, Имом Һусејн (ә) ијән чәј 72 әсһабә бә даштәдә емә мыборәкә хун! Сорон омејдән шејдән, әвәз кардејдән ијәнды. Әмә бә зәмони горәнә чанә дијәро бејдәбумон чә тарыхику, мәнән, руфән сорбәсор һәнијән нез бејдәмон бәј!

            Еһанә һар гылә мысылмон нығыл-нығыли фикир быко, сәрәсәнине ки, Кәрбәлоку бино бејдә һәғиғи Ислам! Ислами мыборәкә Пејғәмбәри (сәәс) мысылмонәтиш варде бә дынјо, едаштыше әв бә инсонон. Имом Һусејни (ә) Ислами ғәләбә бојдәғыш рост карде, чәј мыһиш жәј! Ијо мәлум бе ки, чокнә быәнине һәғиғи Ислам, әсыл мысылмон! Әј дештә әмәли сыбут кардыше ки, дин иглә әј ғәбул кардә одәмонку иборәт ни. Дин иглә ибодәт ни, нымож воте, дыво карде ни! Дин һәмән символонин. Кәрбәло Ислами шәһидәти символе! Жәго гыләј символе ки, һәзо сорон дәвардонән, һәғиғи мысылмонон һар гыләјни боштә мығәддәсә ғарз зынејдә шәһидәти! Кәрбәло боәмә сыбуте ки, Хыдо ијән чәј мыборәкә Дини роәдә шәһид бејро һозы ныбә одәм мысылмон воте әзыни бәштә!

            Дечи әломәтдоре Ислами ын Нујә сор? Ыми бывотәмон ки, Ислам бә дынјо нозил быә ружику, һежо чәј сә ғалмәғаләдә быә. Иминә ружику дынјо һар тәрәфәдә шәјтонон, иблисон, дәҹҹолон дастбәдаст доәшоне, Ислами ғәсдәдә быән! И тәрәфо јадон, чә тәрәфоән мысылмонон ыштә дыләдә быә мынофикон дышмен бән бә Ислами! Әмма Хыдо нәзәри жијәдә Ислам һежо овҹәдә быә, бә нав шә. Есән жәго. Бә дынјо мысылмонә довләтон нәзәр сәғандеәдә ошко винде бејдә ки, сијо авон һәғиғи Ислами вәтән, шиәти мәркәз Ирони сәјку гырдә бејдән. Һаруж, һар дәғиғә дәҹҹол һозыје бо шиәти мәһв кардејро!

            Чиче чыми мәно? Әв ни ки, бәпе әмә сыст быкәмон ыштә уму, тәслим быбәмон бә дышмени! Навәдә Ашурә омејдә. Ашурә иглә бәмә-шивән карде, синә жәј, мәрсијә, розә воте ни ки! Һар гылә шиә бы Ашурәдә бәпе әһд дәбасте дештә Хыдо ки, һозыје бо шәһид бе. Дынјо һәмә шион бы ружи пештбәпешт доәнинин ки, дышмен бызны ыштә кој. Бызны ки, чәмәһон һар гыләјни Саһибәззәмони (ә) гыләј сәрбозе, һозыје һар мәғомәдә ыштәни шодә бә ҹанг – Ислами, шиәти, Ирони роәдә бә ҹанг! Ашурә шәви шион сәдо анә барз быәнине ки, дышмен бә ларз дәшу, бызны ки, дәҹҹол ғалиб оме әзыни бәмә! Хыдо ныкардә, дышмен дәм бығандо бә Ирони, ым иглә Ирони ҹанг әбыни, дынјо һар вырәдә жијә һар гылә шиә гыләј бомбә бәбе аләми вәш бәно боәвон!

            Ғурбинә толышон, азизә шион! Боән әмә һәммәј панд пегәтәмон Имом Һусенику (ә)! Быдә ын мыборәкә Ашурә әмәни һәммәј и быкә!