ЫВРЭ ЧЭМЭ ДЭДЭ JУРДЕ - ТОЛЫШЕ !

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 9 голосов)
Изменить размер шрифта Decrease font Enlarge font
image

 

ӘБДУЛРЗА ӘҺМӘДОВ

ЫВРӘ ЧӘМӘ ДӘДӘ JУРДЕ, ТОЛЫШЕ!

(Поемә)

(топономикә, етнографикә мисрон)

I һиссә :  http://tolishpress.org/news/1587.html

 

II

Бы зәминдә һытдә чәмә мардәjон,

Чы зәмини дызиә кәсон, бардәjон,

Чәмә jолон тарыхе дәвардәjон.

Мәвотәмон канәjон дәварде, ше,

Ыврә чәмә дәдә jурде, Толыше!

 

Бә Толыши оме ки бә сә дәно,

Де роһати бәчәj зәмин по бәно,

Бенибәше чы зәминдә бә кәно.

Нәнә бомы ләj-ләj жәдә вотәше,

Ыврә чәмә дәдә jурде, Толыше!

 

Әj дус, тынән еғанд ыштә роj иjо,

Зәһмәт быкәш, де хыjзони боj иjо,

Кужкагә гужд, кубызә гужд, моj иjо.

Нывош дусиәтимон че jод бебәше,

Ыврә чәмә дәдә jурде, Толыше!

 

Толыш чы вәтәни хосә мәһоле,

Рузи иjо бәрәкәтине, боле,

Иjо һежо чымы һол чокә һоле.

Һаҹо бышом, бәчымы jод дәбәше,

Ыврә чәмә дәдә jурде, Толыше!

 

Һисоб быкә, вәjшт Толыши зәмине,

Һар чиj иjо ләззәтине, тәмине,

Бә шәjтони гуш мәдән, әв чәмине.

Ки думо бәj бышо, һежо бәкәше,

Ыврә чәмә дәдә jурде, Толыше!

 

Толыши һар вырә боғе, бустоне,

Ләл-гылоныш, жыбызын, хомә шоне,

Одәмоныш һәмә шинә зывоне.

Иjо һа кәс jәнды ғәми быкәше,

Ыврә чәмә дәдә jурде, Толыше!

 

Де нывыште ын соһбәт сә әбыни,

Зыне пидә, тикәj оловон мыни,

Де тарыхи хәбәдокәм аз тыни.

Мәвот ки, бә пешо һиччи ныноше,

Ыврә чәмә дәдә jурде, Толыше!

 

Веjә дешмен емә иjо де ҹанги,

Де ләшғәри, де топи, де тифанги,

Рәсән бә Толыши де путә чанги.

Охохони вени сә бә чол еше,

Ыврә чәмә дәдә jурде, Толыше!

 

Дешменику бәсем ыштә әвәзи,

Чәj сәдә бебәкам ыштә ғәрәзи,

Чокнә буни чәмә номинә Һәзи,

Бә дешмени гури отәш оноше,

Ыврә чәмә дәдә jурде, Толыше!

 

Че толыши быжән-быжән бә номе,

Омәкәси әжәнин тобә оме,

Пешы һәни че тарсику ки боме?!

Ве колобәсә чыjо бе коло ше,

Ыврә чәмә дәдә jурде, Толыше!

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (1 добавлено)

  • Опубликовано yaser kərəmzadeh, 31 Октябрь, 2011 00:45:28
    əzizə boylim ve çokə şeer bı. səlomət bıbənən. əmmo əgəm zəhmət bıkəştən iyən şairı nomıən bınıvıştən ve çok bəbe. səlomət bıbənən

Главные новости

|