РОМОН БЭ КОМ СЭМТЕ?

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 12 голосов)
Изменить размер шрифта Decrease font Enlarge font
image

 

РОМОН БӘ КОМ СӘМТЕ?

Хыдо Ғырон дыглә ро нишо дојдә бә одәми: Вәјшт ијән Ҹәһәнным! Одәмәти ијән мысылмонәти ғәбул кардә һар кәс вәјшти выжнијәнине.

Быдә кали ҹоһилон лыв пенычокнын ки, аз бочи сыхан окардыме чәмә дини сәрвәтонку. Һәлбәттә, бә Хыдо незбыәкәсонин ғәләмсојбон ијән офәјевонә одәмон. Жыго Одәмон мәһкумин ки бынывыштын хәлғи дард-сәрику, бәчәј сә омә бәлонку, чәј шојвој ијән кәдәрику, ҹәмјәти һарынә, Хыдо роо бешә зумрә маарифин карде-карде әј сәбәро быкән ҹоһиләтику бә камиләти. Жәго бәнәбәј, бәвәдә һар кәси дасто әвој һар гылә кој.

Һар гылә одәми тәвилисә нывыштә бејдәни шаир, әнывышт, ханәндә, мемор јаанки рәссам бе. Чымы ијо ғејд кардә одәмон дылисыхт ијән тарс нызне-нызне, дим ныдәже-ныдәже ыштә һәмә зынәј ијән сәрыштә сәбәро кардәнинин бо ҹәмјәти соф карде. Мадәм ки, аз бино кардыме ыштә сыхан Де Меһрибонә ијән бахшә Аллаһи номи!, лозимым зынәј ки, бә јод дәғандым Ғырони-Кәрими кали сурон ијән ајон. Ростијән бә ҹәмјәти гыләј лыскә ғәдәрәдә быә и поә одәмон нәзәр сәғандеәдә, соф-ошко мышоһидә карде зынејдәмон ки, әвон ыштәни бы дәрәҹәдә јалтәғ, дыдим, беләјоғәт, бешәрәф, бәнә чујәсә барде-барде бәштә консә әғә хош омејро һозын бәј ситојиш быкән. Һәтто телеканалонәдән кали кәсон беар-беари око дојдән жыго ифодон ки, чыбызным “Хыдо чымы умро быбырны, ғәләм быкә бәчәј умри”, “Чәј” һымһымбәдәым милләт әмнијәтәдә, фировон жијејдә” и.ҹ.ч...

Сурә Сәба; Ајә 54: “Ситојиш ијән һәмд мәхсусе бә Аллаһи ки, осмононәдә ијән зәминәдә быә һарчи Чәј мылке. Ахирәти дынјоәдән шукур ијән һәмд мәхсусин бә Аллаһи!”

Одәм бә чокә кој горәнә тәшәккор карде бәзне. Бә бырһозон тәзим карде, сәҹдә карде есә бој ишорәје бә бытпәрәстәти! 

Чәмә зынәјку, дынјо дәгиш бејдә, глобал бејдә. Чыми моғабиләдә одәмонән пијејдәшоне озод ијән беишкил быжијын. Лакин деми әзынимон воте ки, бәроәт быдәмон бәчәмә дини ајби вардә һәрәкәтон!  Бы вырәдә бевәҹ нәби суни шикиләдә һакимијәти тәрәфо бә мијон шодоә быә “һиҹаби” барәдә ды-се кәлимә вотәмонбәј. Хәјли вахте ки, ыштә мысбәтә һәлли пәјдо карде зынејдәни барәдәш сыхан шә ын ишкил. Бә нәзәр быстәнмон ки, Озорбојҹонәдә веј чокә миллијә адәт-әнәнонән быән, вотәнинимон ки, вахт һестбе сипириши сыхан, руһани сыхан анә сандин-тәсирин бејдәбе ки, де хуни бастејдәбе! Дыглә тобјә арәдә даве беәдә, гирәм һәмонә даве барде әзнибу бә јолә хунә дышменәти, бәвәдә мојнә дәәши бә мијон сулһ әкәј, ашти әкәј. Есә бој әмә есә чыми әкси виндедәмон чәмә сивилә дынјоәдә. Чәмә сипиришон гырд гин кардәшоне ыштә һурмәт. Чумчыко әвон әнҹәх овардејдән бә һукмәти органон ки, һәлл быкән ыштә шәхси проблемон. Есән дәвардәмон бәчәмә кали мәлон...

Есәтнә мәлон һич фәрғ нишоне јаптократонку! Әвон сыфтә дәфн кардејдән мардә, чәјо ечыкејдән мардәсојби синәсә: “Һа мерда, чы мәрһуми ышты ғәзинә зоә һестыше, чәј воҹиботон бә вырә росније бә јолә авлоди бахш егынејдә”. Дәмандејдә бо пеһанде че мардә “Ајәт” ныможон, “Вәһшәт” ныможон, бәјжијәтијәдә нывотә ныможон ијән ҹо чијон...

Жыго мәлон зыне-зыне тәһриф кардејдән Ғырони-Кәрими. Чумчыко һар кәс ҹәвобдәһәндәје боштә һәрәкәтон!

Сурә Фатир; ајә 18: “Һич гылә гынокор нибәкырне ҹо кәси гыно. Чумчыко шәләш гон быә хонәхо боштә шәлә кырнејро сәдо быко ијән чәј незә авлоәдән быбо, чә шәләо жычиј кырнијә нибәбе”.

Сурә Зумәр; ајә 7: “Һич гылә гынокор нибәкырне ҹо кәси гыно”...

Ели чәш мизон-тавзыје, бәвотен. Жәгобу, бәвәдә чанә бәбе бә пе чәмә ғејд кардә “дини тәблиғ кардәкәсон” хәлғи дыләдә быә ныфуз? Охо әмә бочи бы руж мандимон? Һичи воте пијејдәмни чәмә мојнон барәдә. Иглә әј вотејдәм ки, ки арыштејдәбу мојнә дыли, Хыдо быдә чәј ҹәзо!

Веј шынејдәм... Охо бочи одәмон бә тәнхо гырдо карде хатыр, әрбоб бе хатыр, мылк гәте хатыр, чандә гылә кәон еже хатыр, сәрвәт гырдә кардехатыр, вәзифә сәј хатыр розин даст быкәшон ыштә шәрәф ијән ләјоғәтикујән?!

Сурә Рум; ајә 8: “Бәгәм әвон ыштән боштә шынејдәнин ки һа, Аллаһи де һәхи-әдоләти ијән бо гыләј мыддәти сохтәше осмонон, зәмин ијән чәвон арәдә быәјон? Одәмон вејни гырд кофир ијән беәдоләтин бә Аллаһи һузур омәнин бе, бә ғәјби аләми ҹәвоб ијән ҹәзо вәдә, бә Вәјшти ијән ҹәһәнными, һәмчинин бә ғыјомәти нисбәтәдә”

ајә 9:  “Бәгәм әвон зәмини димисә нәве-нәве виндејдәнин чән ыштәку бәнав быәкәсон охој чокнә бе? Әвон чымонсә һәнијән зумандбин. Әвон кандәшонбе зәмин, педоәшонбе әв ијән чымонсән веј обод кардәшонбе зәмини дим. Аллаһи пејғәмбәрон әвони һидајәт кардејро омәбин де соф-ошкоә меҹузон. Аллаһ бәвон һичән зылм кардејдәныбе, әвон ыштән зылм кардышоне бәштә”.

“Бәштә ыштәни зылм кардәкәсон” – жыгоән вотејдән бә иғтыдори мәнсуб кали кәсон... Боәма, әмә чок дәрәсејдәмон ки, анә зылм карде әбыни бә хәлғи. Виндејдәмон ки, ку бејдә бо хәлғи бәмә чәш. Әјән зынејдәмон ки,һакимијәти гин кардәше ыштә сә, мыхолифәти пешонә аксијон тарсику кек дәшә бә һакимә Дујәвожә Озорбојҹони Партијә (бә тырки: ЈАП – Јаланчы Азәрбајҹан партијасы) курки, әве әј стартыш доә бә кали косметикә һәрәкәтон.

Интаси гыләј “чәх сијо кардәкәси” тәнбе карде һәлә ғануни ҹидди бәрғәрор бејку хәбә дојдәни.

Сурә Бәгәрә; ајә 42: “Һәхи умжән мәкән бә батили ијән һәхи нијо мәкән һәғиғәти зыне-зыне”.

Бы мывзујәдә веј нывыште быбујән, охојәдә пијејдәме ки, бә јод дәнәм Ғырони-Кәрими сурә Тәкасуро 8-нә ајә ки, ишорә быбу бо арифон!

1. “Пебән ки, авлоди ијән мол-давләти вејәти веј ғафил кардәше (шымә)”.

2. “Десә бә вахти ки, зијорәт кардыоне ғәбон (панд гәте әвәзи, фәхр кардыоне дештә мардон ғәбон)”...

6. “Һәлбәттә, (марде бәпештә) бәвиндешон ҹәһәнными”...

 

metleb.dadashov.56@mail.ru

      


 

    

 

 

 

 

                                                                                                                 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|