АБДУЛРЗА МИЭЛЛИМИ ЭhВОЛОТОН....

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 38 голосов)
Изменить размер шрифта Decrease font Enlarge font
image

 

ӘБДУЛРЗА МИӘЛЛИМИ ӘҺВОЛОТОН....

Нимә һәлол кардыме, нимә не....

            Ружи чы ружон Әбдулрза миәллим шәлә чәј кулисә омејдәјбән Ленәси мәзәо. Һәши, шәлә гон... Әве Әбдулрза миәллим шәләбәкул ныштејдә рој кәно гыләј дој бынәдә ки, тикәј быстәны ыштә сысти. Чандибәчандон пијејдәше бышты, виндејдә не, шәлә гоне! Вышки зынејдәни бәј ки, рост быбу бәсә појсә. Бы ләзәдә чәј мәктәби орохнијә шогирдон гыләјни омејдә рәсејдә бәј,  вотејдә: Миәллим, һәлол быкош ыштә мәктәбәдә демы кәшә зәһмәти, ышты шәлә пебәдом бәшты кул. Әбдулрза миәллим вотедә: Чок! Мылхәс, ым шогирд чәј шәлә педојдә. Миәллим пенҹ-шәш гәм ној бәпешдә  огардејдә вотејдә бә зоә: Һәмә не нимә һәлол кардыме, нимә не...

Бышән, пенҹ дәғиғә бәдигә бомешон...

            Әбдулрза миәллими дәрсәдә ән ве һыр-һыр кардә әғлон гыләјнијән Забил де Әфсәри бејдә. Че Мәдо мәктәбијән деректор Паша миәллим номәдә гыләј веј рыкноә мердебән. Әғылон чәјку бәрк әтарсинбән. Хыдом ә Хыдој, дәрси вахти бентонәдә гыләј әғыл бәвинди! Һәни чә әғыли вајебән!.. Ым фәғырә Әбдулрза миәллимән һежо бә фикебән ки,  чокнә тәнбе быкә де Әфсәри ијән Забили. Ружијән ымон тикәј ди дәшејдән бә дәрс. Әбдулрза миәллимән әвони һаштејдәни бә синиф, вотејдә: Бышән, пенҹ дәғиғә бәдигә бомешон. Ымонән чич быкән, мандејдән мәтәл. Чумчыко Паша миәллим бәнә кулокә мори гардејдә мәктәби соәдә. Мылхәс, и кәрән омејдән, ижән жәго. Вотејдә: Бышән, пенҹ дәғиғә бәдигә бомешон. Һа жыго-жыго, охојәдә Паша миәллим әвони гәтејдә, сиҹони кујејдә. Әфсәр де Забили дәјән тобә кардејдән Әбдулрза миәллим дәрсәдә шулуғи еғанде...

 

Чымыки шавлоәдәј...

            Ружи Мәдо мәктәбәдә пеш јолә тәнәффуси Әбдулрза миәллими дәрс бејдә. Занг гынејдә бә дылә, әғылон һәнәк карде горәнә бо дәрси рәсе зынејдәнин. Омејдән гылә-гылә, иҹозә сәјдән дәшејдән бә синиф. Әбдулрза миәллим бино кардејдә бәвон воте ки: Чики шәј бешә чәј шавлоо, әј дәнә бә шавло, чәјо дәшу бә синиф. Һа жыго-жыго, нубә рәсејдә бә Забили. Миәллим вотејдә бәј: Тынән ыштәкини дәнә бә шавло. Забил бә и гәв вотејдә: Миәллим чымыки шавлоәдәј.....

 

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|