Сегодня день "Родного языка"!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 84 голосов)
Изменить размер шрифта Decrease font Enlarge font
image

МЫБОРӘКЕ ИНӘ ЗЫВОНИ РУЖ!

            Ымруж дынjоәдә ид кардеjдән Инә зывони ружи. Дынjо хәлғон зывонон мыһофизә карде иjән нығо доjе чы иди мәғсәд. Ибыә Милләтон тәшкилоти Сәр Мәҹлиси Ғәтномәдә (№ Α/RES/56/262) вотә беjдә  ки, ИМТ узвә довләтон һәммәj шәроит сохтәнинин ки, озавзиjе бызнын һәмә зывонон. Дынjо тәшкилотон, иминә нубәдә JУНЕСКО хысуси дығғәт нишо доjдә бә зывонон ки, әвон тәдриҹән омардедән, арәо бешеjдән.

            Марде тәһлукә жиjәдәj есә дынjоәдә быә шәш һәзосә веjә зывонон хәjли һиссә. Жыго вәзjәти һестыше веjә сәбәбон. Интаси ән jолә сәбәб довләтон ыштәнин. Ә довләтон ки, чандә хәлғон жимон кардеjдән чәвон тәркибәдә. Бы хәлғон чокә дығғәт нишо доj әвәзи, һәмонә довләтон һәрәкәт кардеjдән ки, әвон ассимилjасиjә кардә быбун ҹо хәлғи дыләдә, бымарды чәвон зывонон. 

            Чәмә хәлғи зывон, чәмә Инә зывон – Толыши зывон чы зывонон гыләjниjе. Чандә соронин ки, чәмә хәлғ мәһруме ыштә зывонәдә һанде, тәһсил сәj имконику. Зывони марде иминә сәбәбән бы зывонәдә мәктәби ныбеjе. Хәлғ бәпе ыштә зывонәдә баһанды ки, чәj зывонән быжиjы, озавзиjы.

            Чандә соронин әмә бә дастпочәмон ки, быгәтәмон чәмә Инә зывони марде нави. Луғәтон нывыштеjдәмон, чап кардеjдәмон. Китобон, ружномон чап кардеjдәмон толыши зывонәдә. Де интернети комәги тәблиғ кардеjдәмон ыштә зывони. Әмма чанә ки нимоне мәктәб, һәдәр шеjдән чәмә кәшә зәһмәтон веjни. Дынjо тәҹрубә веj вахте сыбут кардәше ки, чәмә ыштәни мәктәби беjро сохтәнинимон ыштә довләти – Толыши довләти. Әнҹәх чәмә ыштә довләт тәминот доj бәзне толыши зывони озавзиjеjро. Сорбәсор веj беjдән чәмә толышон дыләдә ыми сәрәсәкәсон.

            Есә дынjо һар вырәдә хәлғон думоjәнды бә ҹанг рост беjдән ыштә озоди роәдә. Чәмә мысылмонә әрәбә боjлиjон нымунә нишо доjдән бә һәмә хәлғон. Иjәнды думо әрәби довләтон һәммәjәдә хәлғон тожнеjдән ыштә диктаторон, сохтеjдән хәлғи ыштәни выжниjә һукмәтон. Чәмә толышон нымунә пегәтәнинин чәвонку, һәммәjәво рост быәнинин бә мыборизә ки, әмәнән бысохтәмон ыштә довләти, бывотәмон, бысырәмон, баһандәмон ыштә Инә зывонәдә. Ро иглә ыме, ҹо ро ни! Бы идә ружәдә чәмә бәштә хәлғи иминә орзу һежо мыборизәjе – чәмә хәлғи, чәj зывони роәдә мыборизә! Әнҹәх де роj әмә бә дынjо сыбут карде бәзнемон ки, толышон лоjиғин бә һурмәти!

Ғаjдәjе ки, идәдә гәп бәжен чокә чиjон барәдә. Әмма мәҹбуримон ки, бынывыштәмон әмәни нороһат кардә кали чиjон һәхәдән. Ҹо чиjон бынәмон бә и тәрәф. Пегәтәмон һежо чәмә рушинфикон. Ә шәхсон ки, шәнинин чы мыборизә навәдә. Росте, кам нин жәләвонон. Есә че дынjо һар вырәдә һестин жәго толышә рушинфикон ки, кардеjдән ыштә дасто омәj. Де һәjфи ки, бигонә одәмонән веjин. Мәсәлән, де һәзо әзоб-әзjәти чап кардеjдәмон толышә китобон, веj одәмон һәвәс нишо доjдәнин бочәвон һыриjе. Чокнә бәбе чәмә зывони еғвол, гирәм әмә наһандомон толышә китобон, наһандовномон әвони бәштә әғылон?

            Шымәни һәммәjәво тәбрик кардеjдәмон бы Идә ружәдә – Инә зывони ружәдә, хосә толышон! Фәол быбән, нығо быдән, һеjве быкән чәмә зывони! Дастбәдаст быдәмон һәммәjәво, рост быкәмон чәмә хәлғи номи! Мыборәке чәмә Инә зывони руж!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (2 добавлено)

  • Опубликовано Рашад, 23 Февраль, 2011 14:24:56
    Книг на родном талышском и по истории и этнографии нашего народа по России и других городах СНГ отправляем по почте с наложенным платежом! Отправьте адрес на aboszoda@mail.ru и мы с удовольствием организуем отправку!
  • Опубликовано Сардов, 23 Февраль, 2011 14:20:55
    Здравствуйте! Думаю, не все знали или знают, что где-нибудь, допустим, в Москве продаются такие книжки... Ве сәг бо муәллиф! Раст невештәjон. Де Инә зывони чәмә ве толышон бәдин. Толошиәдә СМС невештәм бәштә дустон, синифи әгылон, ҹәвоб тыркиәдә омеjдә. Ком ҹо пеjдо ка бәзнемон Шымә ә де һәзо әзоб-әзjәти чап кардә толышә китобон?

Главные новости

|