Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Подписаться на рассылку:
Оцените содержание статьи?
(всего 106 голосов)
Шинә мо!
Бәшты дыли дарди ғыбон,
Лынги житон гарди ғыбон,
Чандә кәшә сарди ғыбон,
Чымы кәшон зу, шинә мо!
Ғыбон бәшты дылы сырон,
Бәшты кәши, лынги, гырон.
Бәшты лынги гынјә вырон,
Һежо жә јаһу, шинә мо!
Чанд әзобы кәшә, додо,
Бәдә ружы чәшә,додо.
Бә ҹони жә һәшә, додо.
Чымы чәшон ру, шинә мо!
Ышты ғарзи ки бәзне дој?
Шәјә екардә бәнә мој,
Ыштә чәшон зу бәмә дој.
Ғыбон бәшты му, шинә мо!
Һәм дәдә биш, ты һәм нәнә,
Ыштә сәјсә отәш сәнә,
Ғырјәтәдә мерди һынә,
Че вәнәшә бу, шинә мо!
Кәфшәни әгардиш бә руж,
Де шәви әгәтиш бәрдуж,
Дастон әбин ышты колдуж,
Чәјо әбин лу, шинә мо!
Бә јодыме әв мы һәлә,
Чәстә әнәјш сәјсә шәлә,
- Педә, һајди, шинә балә,
Дастдә гыләј чу, шинә мо!
Мердәти панд тыкум гәтә,
Де сыхани мыны ватә,
Гәпи әкәјш һосто, сатә,
Нәвотиш һич ду, шинә мо !
Чичон кәшә, зындә Хыдо,
Һа чымы речинә додо,
Забил бәты ғыбон, Фадо,
Һәни бедәм ку, шинә мо!
Добавить коментарий
Комментарии (4 добавлено)
-
Опубликовано Şəfahət, 31 Октябрь, 2010 21:36:20Həlole bətı Zabil.Tı ıştə moə tərənnüm kardeədə tipik tolışə moon həmmə sima iqlə vırədə cəm kardə.Im tipik tolışə mo rüfi tabloye.
-
Опубликовано Cavid Aliyev, 26 Октябрь, 2010 11:18:05Həlolbo bə tolişi zivoni.Ve şinə zvone...
-
Опубликовано Rabil, 25 Октябрь, 2010 21:54:39Zabila bila! In sheer bashti TND daxilda 10 sorana faaliyati barabare...
-
Опубликовано Поза ВОШ, 24 Октябрь, 2010 19:50:11Шаир, hалоле баты а моа шина шыт. Ве чок невешта. Одами дыли бырында.