Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | |||
Рассылка
Оцените содержание статьи?
НЫВЫШТЕ ЧӘМӘКУ, ҒЫJМӘТ ДОJӘН ШЫМӘКУ…
…Жимон быә вырәдә, ғаjдәше, беjдә һар ҹурә вағеә: ҹәмати беjдәше хәj, шоткомә; шәрән беjдә, мылхәс, мывзу вәс кардеjдә нывыштеjро! Интаси әмә ныштәмон че дынjо бы сәдә, Толышән мандә ыштә вырәдә! Зоәм пиjеjдә ки, бынывышты бәмә һесте-быәjон барәдә, әмәнән сини бы вахтәдә бә ғәләм быстәнәмон әвони ки, баһандын мандә толышон, сырәкәс бысыры, сыре нызнәкәсән, һич ныбо, бышу бә чорт ки, бочи жыго быәнине?..
Һа… Мәвужи веj диjәро егынимон мәтләбику. Интизорәдә огәтымоне һандәкәсон. Огардәмон ыштә мәтләбисә, огоһ быкәмон һандәкәси: чичон быән Толышәдә?
…Бы ружонәдә гыләj мерди вәjә кардәше боштә зоә Жинә Толыши гыләj диjәдә. Сәдо кардәше гыләjән муғәнни ки, маһне баһанды, шо быкә меһмонон. Һардәшоне, сәшоне-доәшоне де хәшә ҹони. Рахс кардәкәс ки, чәшрушни доәкәс ки… Бә вәjә охоj нези шәхси хаһиш кардәше ки, муғәнни баһанды гыләj “Толышә кинә” маһне. Муғәнниjән ки, мәлумә мәсәләjе, бәнде бә пули! Һежо пиjәше дәманды бо һанде, тожәбәги незә авлодон гыләjни бешә бә мәjдон ки, бәс, һанде әбыни ын маһне! Парсе бәзнешон ки, сәбәб чич быә?
Имон азизе, нә бәмы вотәшонни, нәән аз әзыним воте бочи? Рости, аз ыштәнән хәjли шим бә чорт ки, бочи ым хонәхо ибердәмә ғәдәғән ноәше бә ын маһне? Сеглә чиj бәзне бе, чымы зынәjку: Иминәниш әве ки, веj толышон (jавә) хосjәте даве еғанде ыштә авлоди вәjәдә. Һички нывоты ки, чәвон диjәдә жәго ни; бә софи беныкә ыштәкиjон, чумчыко ым факте!
Дыминәниш әве ки, бәлкәм чә хонәхо дыло быәни “Толышә кинә” номәдә толышә маһне, ғавәр пиjәшебу ҹо маһне, һәниjән дырысти, пиjәшни һандә быбу толышә маһне. Ымиjән әбыни бә һәшә жәj, чумчыко чәмә мәһоли һар диjәдә һестин жыго одәмон ки, дыләвизә омеjдә бәвон толыши маһне мәсеәдә…
Һесте гыләjән мәсәлә: бе бәзне ки, бә шәхси хош омәни һәмонә маһне сифориш доәкәс, әве манә вардәше ә маһне.
Мылхәс, ымон һәммәj бымандын бә и тәрәф, әмә бунәмон, чичон быән вәjәдә чыми бәпештә? Чич быәнинбе ки? Ыми вотәше, әj вотәше, гыләj гәвәгәвә егыниjә вәjәдә. Аләм гыниjә бәjәнды. Тәхминән ним саати дыләдә гуши мәсәшни гәви вотәj!
Мәҹлиси бы вырәдә ғоччәғә тожәбәг, пегәтәше микрофон бә даст, овардә бә муғәнни де ын сыханон: “Аj чымы билә, ты боj бәги тариф быкә, быдә бышум аз «ыштә коj думо», чәjо шымә дәвом бәкашон ыштә даве”. Әһсән! Чымисән чокә сыхан? Мерди зоә даверо кардеjдәни ки вәjә?
Ымән чәмә тожә әһволот ки, әмә нывыштымоне, ғыjмәтиjән, Хыдованди, бәдон чәмә һандәкәсон…
Добавить коментарий
Комментарии (2 добавлено)
-
Опубликовано zabil, 08 Июль, 2010 21:12:08Аз ә бәгә зоә чок бә сә дәшедәм,Хыдо бәјыш рәһмыш кардәшеј Гә маму әјо бәни.Ружи(шәви) Гә маму че Бырәдиго вәјәдә огардедәјбән бә Мәдо.Омејдә рәседә бә Тыркобә,виндә ҹывонә әғылон һәмә гырдәбән бә и кәси сә.Гә маму сәрәседә вотедә:Зә ҹывонә әғылон чичеј?Вотедән:Һич Гә маму шымәлығ ни.Вотедә:Зә сыпәзон чокнәј әв жәго бәбеј,былывән бывотән чич бә.Ымон мандән гирифтор вотедән:Ым бәге,и кәрә дәшә вәјуә кинә тоно бешә,һа ысәт шејыш пидәнишеј.Гә маму рәјрә дәваштә чәј әнҹәвәри гәтедә чәјо де барзә ванги вотедә:Зә сыпәзоә аз ды жыгој диләги Тыркобә һәмә,Һышгәдән нимә бәгәтем.Былыв дәши вәју тоно! Ысәт хосә Әғәли маму бәнәј Гә маму мердон нин,әвеј жәго-жәго коон бә мијон бешедән.Шымәнән ве ғо мәкәнән че толыши камыш мандәшеј,сә бәбеј жыго-жыго сыханонән әбынин..
-
Опубликовано Anka, 08 Июль, 2010 17:36:32Hıste qeleyen çomonci mesele; ğasbuen ba veye xıvande zoe müdürion xoş omeydeni bu, veyede Tolışi mahne hande bıbuy. Ise kooy peydo karde vey çetine meseley. Qele Tolışe mahne veyede hande bıe ni, ım yole meseley begem. Çeme Tolışe bale bıde ışte kooy gin mekey. Joğo voteden ki, çeme Xaneli mamu 65 sini ğeyd kardeden eyo bezi odemon Tolışi sıxan karde, unen Tolışi nomi qete goroş ışte seşon ba beloşon denoeben...
Политика и экономика
Интервью / Заявление
