Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Подписаться на рассылку:
Оцените содержание статьи?
(всего 9 голосов)
ӘВЕ ЖЫГО МӘҒРУРИМОН
(бә Толышику фикбәпешо быәкәсон ҹәвоб)
Кусә довнә окә, боjли,
Сығи бә жи тәjкә, боjли,
Шәjтон не, чок диәкә, боjли,
Беһишти ғылмон, һуримон:
Әве жыго мәғруримон!
Пеjымон банд, жимон – дыjо,
Әвәсоре нәв манг иjо.
Һәсәд бардә бәмә дынjо!
Дылпуримон, чәшпуримон:
Әве жыго мәғруримон!
Тарыхымон ожә мәjдон,
Гавгамел, Гел, Мадаj, Мығон.
Каспи, Кадус чәмә мәкон,
Чә вахтонку ҹәсуримон:
Әве жыго мәғруримон!
«Авестә» соjб, зәрдуштимон,
Атропати жә мыштимон,
Бобоки ростә дастимон!
Де дышмени бәд, куримон:
Әве жыго мәғруримон!
Домон һесте – сыхтә ришә,
Холыш бә хычә пепушә.
Дәшән бә иjәнды кәшә:
Гонәләшә амбуримон:
Әве жыго мәғруримон!
Пыәмон һесте – симинә тан,
Ҹәнгәл Мирзә, Мир Һәсән хан,
Кәблә Jусиф, Һәзи Әслан…
Де ҹонбозон мәшһуримон:
Әве жыго мәғруримон!
Кам ни бәнә Пәричанги,
Бешу бә ҹанг де пәләнги;
Быжәны сығ бәчәj әнги.
Дышмени сәj обыримон:
Әве жыго мәғруримон!
Бәнә Кулә кәлә кам ни,
Jурди роәдә әв ыштәни
Тижә пожә сәj ежәни!
Хәлғи чәши чо – нуримон!
Әве жыго мәғруримон!
Кам ни чәмә алим, шаир:
Зулфуғар, Ханәли, Ҹабир,
Нәвузәли, Әли Насир…
Зывонондә әзбәримон:
Әве жыго мәғруримон!
Ғо мәкә, ни девләтымон,
Һестымоне ғырjәтымон,
Зывонымон, милләтымон…
Боме ә руж, бәсыремон:
Әве жыго мәғруримон!
Сығи бә жи тәjкә, боjли,
Шәjтон не, чок диәкә, боjли,
Беһишти ғылмон, һуримон:
Әве жыго мәғруримон!
Пеjымон банд, жимон – дыjо,
Әвәсоре нәв манг иjо.
Һәсәд бардә бәмә дынjо!
Дылпуримон, чәшпуримон:
Әве жыго мәғруримон!
Тарыхымон ожә мәjдон,
Гавгамел, Гел, Мадаj, Мығон.
Каспи, Кадус чәмә мәкон,
Чә вахтонку ҹәсуримон:
Әве жыго мәғруримон!
«Авестә» соjб, зәрдуштимон,
Атропати жә мыштимон,
Бобоки ростә дастимон!
Де дышмени бәд, куримон:
Әве жыго мәғруримон!
Домон һесте – сыхтә ришә,
Холыш бә хычә пепушә.
Дәшән бә иjәнды кәшә:
Гонәләшә амбуримон:
Әве жыго мәғруримон!
Пыәмон һесте – симинә тан,
Ҹәнгәл Мирзә, Мир Һәсән хан,
Кәблә Jусиф, Һәзи Әслан…
Де ҹонбозон мәшһуримон:
Әве жыго мәғруримон!
Кам ни бәнә Пәричанги,
Бешу бә ҹанг де пәләнги;
Быжәны сығ бәчәj әнги.
Дышмени сәj обыримон:
Әве жыго мәғруримон!
Бәнә Кулә кәлә кам ни,
Jурди роәдә әв ыштәни
Тижә пожә сәj ежәни!
Хәлғи чәши чо – нуримон!
Әве жыго мәғруримон!
Кам ни чәмә алим, шаир:
Зулфуғар, Ханәли, Ҹабир,
Нәвузәли, Әли Насир…
Зывонондә әзбәримон:
Әве жыго мәғруримон!
Ғо мәкә, ни девләтымон,
Һестымоне ғырjәтымон,
Зывонымон, милләтымон…
Боме ә руж, бәсыремон:
Әве жыго мәғруримон!