Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | 5 | 6 | 7 | |
| 8 | 9 | 10 | 11 | 12 | 13 | 14 | |
| 15 | 16 | 17 | 18 | 19 | 20 | 21 | |
| 22 | 23 | 24 | 25 | 26 | 27 | 28 | |
| 29 | 30 | 31 | |||||
Рассылка
Подписаться на рассылку:
Оцените содержание статьи?
(всего 16 голосов)
Изменить размер шрифта
ЫМ ЧЫ БӘЛОБЕ ОМӘЈ БӘЧӘМӘ СӘ!..
…Вотејдәбимон, ымон ҹо хәлғин, сулук кардејданин дејәмә, чәшышон пегәтејдәни әмәни, пијејдәнишоне, толыш озавзијы, бышу бә нав, овҹ быкә. Вахти һестбе, де чој пәјдо карде бејдәныбе иглә толыш Толышәдә ки, косојб быбу, кәвонә женон вотәјнә, бизнесмен быбу, номышән быбу толыш, ја бәштә бывоты толыш. Быәкәсијән, бә гиј морән ејәғандиш, әвоти, не ки, не, толыш ним аз, чыбызным ким… Фикир кардејдабимон ки, чәмәкијон бон, ғасбу чок быбу боәмә. Бон чәмә әрбобә мердон, чокә мердон, шинә мердон, ағылмандә, ғырјәтинә мердон, ежәнын бы зәминәдә јол-јолә зәводон, фабрикон, емолотхонон, ко быдән бә толышон, быдә әвонән копуги ғәзәнҹ быкән боштә бәболәжә әғылон, хыјзонон. Омәјн! Ды-се сор чыми бәнав омәј Мубариз Мәнсимов, ежәше Ланконәдә гыләј шыти зәвод – “Палшыт”. Шој-вој кардымоне, бәркә шоткомә бе иглә Ланконәдә неја, ҹәми Толышәдә! Тариф нывыштәкәс ки, шер-поемә пеғандәкәс ки, маһне һандәкәс ки! Иглә мандәбе ки, ид быкән, ғонғә бығандын, вәшәпос бығандын!
Фәғырә толыш! Ышты нәнә јавә лајла жәше боты! Бәхты әнә сијо чоли бынәдәј!
Һәлә оәгәтәмон ымони. Камиши бошмә бывотым “Палшытику”.
Ҹәри-ҹәһәннымәдә, һар чибе, охој чандә одәмон ко кардејдәбин, мандә дијовыжонән камәдә-вејәдә дојдәбин ыштә зандәгон, пәсон, бызон, гомушон шыти, ғәзәнҹ кардејдәбин копуги пул.
Шыти кило әщырин мәхлоғику бә 30 копуг. Есә бој, пәни кило әһватин бә 3,5 мәнот! Ым бә ҹәһәнным! Бә зығинә шыт доә хыјзонон бахшән әдәјн чә зәводи пәнијәдә, ҹырәдә, рујәнәдә, дујәдә. Камику сеглә рәјони – Ланкони, Осторо ијән Масали дијовыжон де мијонә һисоби һар хыјзон мангәдә дојдәбе 300 литр шыт (есән дојдән). Мангәдә ым кардејдәбе 90 мәнот, јәни 120 Әмерикә доллар. Һар дијо тәғрибән шыт әдәј 100-120 хыјзон. Хыдо һесте одәми сәјсә, бевәҹ ныбе, кыле-кыле кардејдабе ҹәмат. Озорбојҹонәдән жәго гыләј дукон ныбе ки, әјо нәһватын “Палшыти” мәһсулон.
Понә сыхан доәшонбе ки, аләфән бахш бәкарден бә ҹәмати ки, кам быбу чәвон әзјәт, корығ ныкәшын.
Чич бе чән? Есә еғандәшоне шыти ғыјмәт бә 20 копуг! Фикир әби карде ки, ғасбу боһране, иғтысодијә ијән малијә боһран, кахтије, чәтине вәзјәт, мәсрәфышон веје, еһдәо оме зынејдәнин. Интаси чок фикир дојәдә, винде бејдә ки, жәго нихо! Ҹәматику ехырчынејдән, чә тәрәфоән пани ғыјмәти кардејдән 4 мәнот! Ымән бошмә чәмәнки, толыш! Чымы мәнон ыме ки, јәни пегәтәшоне гыләј кыләкорт, пуст-лу кардејдән толышон! Һәлә вотејдән ки, мајә мангику жәгошә 15 копуг бәкарден шыти ғыјмәти (јәғын пәнијән бәбе 5 мәнот)!
Есә толышон мандән аварә-сәргәрдон, Әли ашикујән быән, Вәли ашикујән!Сыфтә һич ныбо, шыти әдәјн бәштә корпон, пи-пышкон, ыштәнән пејәшомин, ҹыр әкәјн, пәни әгәтин, мостәдә, рујәнәдә әһәјн, оәгәтин ыштә ҹони. Есә мәҹбурин ки, ә шыти бәһватын бә ҹыри ғыјмәт, игәво бывотын: Бә гәвим – тәм, бә ләвәм – шивән!
Ымән чәмә толыш! Чич быкәмон, чич бывотәмон, чич бынывыштәмон, чы дымжон быдәмон, сә-сыхан быкәмон, һички зынејдәни! Кали кәс вотејдә ки, мәвужи Мубаризи ыштәни нише хәбә чы ыштәнбәсәтику, бә даст дәнојдән әј Ланконәдә ныштә коәвонон. Һестин кали толышонән, бәболи омејдәшоне бә Мубаризи. Вотејдән ки, фәғыре, косибе, пулыш камее, росне зынејдәни, әвән мердехо, еһтијоҹ һестыше, кәш һесте, бәш һесте, оләт сәј һестыше, хыјзон огәте һестыше, мылхәс, јолә мерде, машинәдә нәвәнине; әве һыријәше гыләј тожә машин, диј женон чок зынејдән чәј номи, Шумахере, кије, чәј машиныш һыријә! Бәс бымон һәммәј пул гәрәке. Пулән ки толышику! Бочи бәпе бывиты жыго-жәго, ән һостонә ко толыши пуст кардеје! Кали толышон вотејдән, мәнывыштәмон чәј барәдә, бәвотен, иглә толышымон һесте, әјән “жәјдәмон”. Вотејдәм, ај чымы баллон, ки жәјдә киј? Әмә жәјдәмон әј, ја әв пуст кардејдә әмәни? Жыгоән ко бәбе јәни? Конҹој чы одәми Хыдо, конҹој чәј имон, инсоф, мурвәт, инсонәти, мылхәс, толышәти! Жыгоән толышәти бәбе? Чандә вахтонин толыши мердә зоон бә ҹангин де зәмини-осмони ки, жычиј быкән бо Толыши, бекән ым хәлғи бә рушни. Мердон шәв-руж вәши-тәши бә дастпочән ијо боштә хәлғи, копуги пул пәјдо кардејдәнин ки, китобәдә-фылонәдә чап быкән бочәмә вәшијә баллон ки, баһандын, умутын ыштә хәлғи тарыхи, чәј мәдәнијәти, зывони, адәтон-әнәнон. Тосә есә ә мерди и кәрә быәни ки, даст дәнә бәштә дәбинә шавло ҹиф, бекә мәноти пул быдә ки, деми чап быкән гыләј китоб! Быә јәни? Быәнихо! Һежоән вотәмоне ки, мәгынән бәј, быдә ыштә кој быкә, мәжәнәмон толыши де толыши дасти. Һәни чич бе ки? Гыләјни мәлон јоле, мәжәнәмон сыхан мәкәмон, чәмә сәбарзије. Бә сијо зәмин быбу жәго сәбарзи! Әв бәныште һаруж баһа чејәпыло, толышонән шојво бәкан ки, чиче-чиче, мәлон јол чәмәнкије! Рәһмәтинә Фатмә нәнә вотәјнә, хок быбу бә жәго јолијән сә!
Жәго толышон де һәзон! Ко-сәнәтышонән јалтәғәти кардеје бә ҹо хәлғи… Иглә толыши ном омеәдә дыдасти гәтејдән ыштә гушон ки, сыпә номи быгәт, кыты номи быгәт, иглә мәгәт толыши номи! Жәләвононән јәни одәмин? Одәм нин әвон, чымы балон, одәми ғәзинән нибәмарден! Ыштә хәлғи ғәдри нызнәкәси ғәдри Хыдоән әзыни!
Сыхан веје бо воте, нывыште. Вотејдәш-нывыштејдәш, бејдәш бевәҹ! Вотедәјниш-нывыштејдәнишән, дыл кам мандејдә бытыпы! Ым чы бәлобе, омәј бәчәмә сә?! Әве нывыштыме ымон, камиши сывык бим. Бунәмун ә хонәхон һандејдән ын сыханон, нәтиҹә бекардејдән, ја не…
Добавить коментарий
Комментарии (1 добавлено)
-
Опубликовано MAHI, 08 Февраль, 2010 15:17:15Боли,гашангы нывышта.Ды халгина ама феодализми беняшимон.Бы вазифаю, толош амани гыбон бадо ба тырки.Ым Дыйно жого ума,жогоан баше(бамано).
Политика и экономика
Интервью / Заявление
